누나홀닭 Noona Holdak
呢間店既雞比較特別,唔是炸雞是烤雞!但是肉食出離仍然好滑!我同朋友都吃左幾次呢間,似乎韓國本地雞真係比香港既好吃好多。而且它有三層,雖然經常好多人,但是唔使怕搵唔到位~鍾意啤酒既都可以係呢度叫CASS既生啤酒!同場好多人都係飲啤酒!今次我地叫左honey butter,正!
弘大地址 : https://goo.gl/uotD4e
價格:17000won
비비리
呢間只賣伴飯,只需要5000won就可以有自助伴飯!自己想食咩同食都係自己選擇!買野買到窮窮地都可以有D平價選擇。只要係門口既機入錢,入面俾張票阿豬媽,咁之後就全部自已搞掂啦!想吃幾多都可以自己拎,不過記得唔好浪費啊!
弘大地址: https://goo.gl/M4jShN
價格:5000won
보승회관
呢間專賣泡飯,有血腸同白切肉。韓國人最鍾意將飯泡係水度一起吃,所以我地都學佢地咁,將飯泡係一齊食,大家都可以將小菜放係湯入面一齊吃。雖然我選擇左唔辣既血腸泡飯,但是幾乎每間都一定係湯入面入胡椒,所以都是有少少胡椒既辣味。不過佢地既血腸同白切肉都好好吃,我最後都全部吃晒了~ 不過青辣椒真係好辣 !! 我吃左之後個嘴好似燙親咁!成幾日先沒咁痛。
地址:https://goo.gl/p9c9P8
價格:7000won – 8000 won
Trickeye Museum
我地去既時候仲考慮要唔要入去,因為好似都係普通影相,其他地方都有,但近離有人話佢地做緊AR宣傳, 成人下載App有折扣,而且係世界上第一間AR美術館,於是我地都決定反正離到都去買票玩下~ 第一次用AR拍片,感覺幾好玩~ 下面係用左AR 影照既效果~ 有睇出離邊度同正常影相唔一樣嗎?
我覺得加左AR既效果比起只係3D既要好,不過拍片更加可以顥示到中間動畫既變化,因為佢既公仔係識動既~影出離會比較吸引人!去到先知原來包埋ice museum,入面真係好凍下!
地址:https://goo.gl/aPchZ4
價格:成人15000won(折扣後),兒童12000won
青春街
最好晚黑離呢邊吃飯, 因為可以選擇既野食真係超級超級超級多!!而且唔食就咁影相都好好睇!唔鍾意既仲有試下D地攤!如果夜晚想搵個地方傾下計,都好多唔同既Pub同Bar。
地址: http://map.naver.com/?mid=bl0122456010
益善洞
呢度全部都保留左韓屋既特色,每一間都賣唔同既手工同野食,出面更加係影相一流!成個氣氛都好文青!有D更加會賣韓式Fusion菜,韓式花茶,想試下既都離過食D野過一個休閒既下午。
地址:https://goo.gl/epYScR
창화당
如果去開益善洞可以順便去埋呢一間餃子店,吃左咁多間真係最好吃係呢一間!D餃子全部都係佢自己做,皮簿多汁。入面既裝潢都充滿以前韓國既呢間門口永遠都好多人等,12點度佢地自己要吃飯唔開門,所以要吃既就要留返D時間。
地址:https://goo.gl/Wt4z7p
留言列表